مدرسة دار الطفل العربي - القدس

مدرسة دار الطفل أروع مدرسة انا هلا كبيرة بس درست فيها ايام وانا صغيرة بتعز عليي بشكل مش طبيعي وقت العصرونة كانوا يحطوا بساحة المدرسة أوبريت الحلم العربي كان وقت الانتفاضة ايام محمد الدرة الله يرحمه.. اشتقت لست ماهرة الحسيني وهداية الحسيني.. اشتقت لمعلماتي.. للصفوف❤️ لبنات صفي اللي كبروا وأكيد هلا صاروا أميات✨ اشتقت لمريولي لشجر الصنوبر.. لو الايام بترجع ما بعيش طفولتي كمان مرة الا هناك🧸 بفتخر اني درست بهيك مدرسة عظيمة🤍 وبعدني بتباهى بهالأشي❤️❤️✨ ولما بكون هناك بمرق عليها وبطلب دايما اني افوت اشوفها وما بكسفوني💙💙 رح تضل احلى مدرسة واحلى ذكريات واحلى شعار برضو💕💕💖

دار الطفل الصرح الشامخ منارة تضيء درب أجيال واجيال لمجد وكرامة اعظم

مدرسة بناتي ... متميزة بتمسكها بالمبادىء الوطنية والدينية ... صامدة رغم كل الظروف والضغوط ... قائمة على طاقم من المعلمات الاكثر من رائعات

مكان رائع ومريح محافظ على قيم المجتمعية ويحرص على نشرها

اعتزازي وفخري ان اكون احد افراد عائلة دار الطفل العربي ومنذ ثمانية و عشرون عاما